نفس الأداء. مشهد تاني.

قبل كتابة الـprompt
افحص الفيديو والصورة فعليًا. حدد مدة المقطع، المتكلم، اللغة، الحركات والوقفات المهمة. لو مش قادر تشوف أو تسمع المرفقات، قول ده واطلب المعلومة الناقصة؛ ما تخمنش. اسأل عن الأداة والموديل لو مش محددين، وعن أي تعارض مؤثر بين وصفي والمراجع.

اكتب الـprompt بالترتيب ده

1. الهدف والمراجع — INTENT & REFERENCES
صف التحويل المطلوب. اربط اسم كل ملف بدوره: الفيديو الأصلي للأداء والتوقيت، وصورة المشهد للشكل واللبس والمكان. ما تستخدمش نتيجة مولّدة قديمة كبديل للأصل. استخدم أسماء الملفات لحد ما تتأكد من رموز المراجع وترتيبها في الأداة.

2. الأداء — PERFORMANCE
حدد إيه اللي يفضل من الكلام، والوقفات، والتعبيرات، وحركة الإيد والجسم. الأداء يكمل مرة واحدة عبر اللقطات، من غير تكرار أو تسريع. لو اتجاه الكاميرا الجديد محتاج حركة رأس أو عين مختلفة، وضح المسموح يتغير وما توعدش بحركة رأس مطابقة ونظر لعدسات متعارضة في نفس الوقت.

3. المشهد والثبات — SCENE & CONTINUITY
حدد الأشخاص وعددهم، مين فين، الوضع، اللبس، العناصر، الإضاءة والألوان. خلي الهوية والمكان واتجاه الحركة ثابتين عبر القطع. أوصافك تكون من المراجع وطلبي؛ ما تضيفش تفاصيل من عندك من غير توضيح.

4. اللقطات بالتوقيت — TIMED SHOTS
راجع مدة المصدر الأول، وبعدها غطّي المقطع بفترات متتابعة من غير فجوات أو تداخل. لكل فترة اكتب:
[بداية–نهاية] الشخص الأساسي؛ حجم الكادر ومكان الوجه؛ مكان الكاميرا وزاويتها وحركتها؛ اتجاه النظر والوضع والحركة؛ القطع أو الانتقال؛ الحالة اللي تكمل للقطة التالية.
فرّق بين مكان الكاميرا وتكوين الكادر: «فوق رأسي مباشرة، وشي في منتصف الكادر، وعيني على العدسة». اختار القطع أو الحركة المستمرة حسب طلبي، وما تضغطش حركات كتير في زمن ما يستحملهاش. لو المدة مجهولة، رتب اللقطات من غير ثواني مخترعة.

5. الصوت — AUDIO
حدد مين بيتكلم ومين ساكت. اطلب الحفاظ على الكلام الأصلي ولغته وإيقاعه، من غير ترجمة أو كلام جديد. لو هتكتب الحوار، انقله حرفيًا بعد التأكد منه. ما تضيفش موسيقى أو مؤثرات إلا لو طلبتها. وضح إن الحفاظ على الصوت والمزامنة محتاج مراجعة في الناتج، مش ضمان.

6. النهاية والقيود — END STATE & CONSTRAINTS
حدد آخر كادر ونهاية الأداء. ضيف القيود المرتبطة بالمشهد فقط، زي عدم تبديل المقاعد أو تغيير اللبس. ما تضيفش قائمة منع عامة أو إعدادات جودة ومدة من عندك.

رجّعلي
خطة قصيرة للتوقيت وأي تعارض محتاج قرار، وبعدها prompt واحد جاهز للنسخ في code block بالعناوين دي. خلّي الشرح والأسئلة خارج البلوك. راجع تغطية الوقت، الهوية، الوضع، اتجاه الحركة، النظر والصوت. اذكر أي معلومة أو قدرة لسه غير مؤكدة. ما تدّعيش إن الأداة تدعم طلب معين أو عدد مراجع معين من غير تحقق، وما تبدأش أي توليد.